Bija Ime fort e dashur, armiqtë e Mi mund ta përbuzin Fjalën Time – të Vërtetën – por dita do të vij kur ata do t’i varin kokat prej turpit dhe pendesës kur ata të qëndrojnë përpara Meje.
Në ditët e Nohas, ai dhe ata të zgjedhur për ta ndihmuar atë të pregatitej për Drejtësinë e Hyjit, u tallën. Ata u përçmuan, u persekutuan dhe çdo përpjekje u bë për të diskredituar udhëzimet e dhëna Nohas nga Hyji. I bindur deri në fund, Noha lypte mëshirë për shpirtrat e tyre. Ai ju lutej atyre të strehoheshin me atë por ai shpërfillej. Dhe kështu do të jetë deri në Ditën e Madhe të Hyjit. Vetëm një pjesë e mbetur do të jetë gati për të më përshëndetur Mua së bashku me të gjithë ata, që do të kërkojnë në zemrat e tyre ta pranojnë Mëshirën Time, gjatë Paralajmërimit.
Unë i kërkoj të gjithë atyre që besojnë tek Unë, dhe në Premtimin Tim për të ardhur përsëri në lavdi të madhe, të luten për ata që e përbuzin këtë mision sepse atyre ju është dhënë Dhurata e të Vërtetës por që zgjedhin të ma përplasin Mua në Fytyrë. Të gjithë ata me zemra të ngrohta dhe të dhimbshme, dhe me një butësi të shpirtit, do të sillen në Krahët e Mi, pavarësisht se çfarë besimi apo feje ata ndjekin, sepse ata janë të Mitë. Atyre që nuk e dinë Fjalën e Hyjit do t’ju tregohet mëshirë e madhe dhe ata që do të kthehen gjatë Paralajmërimit do të banojnë gjithashtu në Krahët e Mi. Unë do të arrij tek të gjithë shpirtrat, zemrat e të cilëve janë të ngrohta dhe që tregojnë dashuri dhe mëshirë ndaj vëllezërve dhe motrave të tyre.
Beteja më e madhe do të jetë kur Unë të arrij tek arroganti dhe krenari, të cilëve ju mungon dashuria e vërtetë dhe nuk e kanë shpirtin bujar. Është për këta shpirtra që Unë kërkoj lutjet tuaja. Por, do të jetë për ata që i kanë shitur shpirtrat e tyre tek djalli, me dijeni të plotë se çfarë kanë bërë, që Unë ju kërkoj të lypni Mëshirën Time më tepër. Ata nuk do të vijnë tek Unë, sipas dëshirës së tyre, dhe prandaj do të jetë vetëm përmes vuajtjeve të shpirtrave të zgjedhur, të cilët më janë përkushtuar Mua, dhe vetë ofertat tuaja, që ata mund të shpëtojnë. Ju lutem ta recitoni këtë lutje për të shpëtuar të gjithë mëkatarët.
Lutja e Kryqëzatës (169) Për Shpëtimin e atyre që refuzojnë Krishtin
Më i dashuri Jezus, për hir të Dhembshurisë dhe Mëshirës Tënde,
unë të lutem Ty për Shpëtimin e atyre që të kanë refuzuar Ty;
që e mohojnë Ekzistencën Tënde;
që qëllimisht e kundërshtojnë Fjalën Tënde të Shenjtë dhe që zemrat e tyre të hidhëruara ua kanë helmuar shpirtrat kundër Dritës dhe të Vërtetës së Hyjnisë Tënde.
Ki Mëshirë mbi të gjithë mëkatarët.
Fali ata që blasfemojnë kundër Trinisë së Shenjtë dhe
Më ndihmo mua, në mënyrën time, dhe me anë të sakrificave të mia personale, t’i pushtoj brenda Krahëve të Tu të Dashur këta mëkatarë që kanë më shumë nevojë për Mëshirën Tënde.
Unë të jap Ty premtimin tim, që përmes mendimeve të mia, veprave të mia dhe fjalës së folur, të të shërbej Ty sa më mirë të mundem në Misionin Tënd të Shpëtimit.
Amen.
Shkoni të gjithë ju dhe mblidhuni në lutje, sepse Drejtësia e Hyjit do të shihet së shpejti që e gjithë bota ta dëshmoj. Është për shkak të ligësisë së njeriut, veprimeve të tij inatçore dhe urrejtjes së tij për bashkëkohësit e tij që Hyji do ta ndaloj atë nga shkatërrimi, që është duke u orkestruar në çdo mënyrë kundër racës njerëzore.
Shkoni të gjithë ju dhe mblidhuni në lutje, sepse Drejtësia e Hyjit do të shihet së shpejti që e gjithë bota ta dëshmoj. Është për shkak të ligësisë së njeriut, veprimeve të tij inatçore dhe urrejtjes së tij për bashkëkohësit e tij që Hyji do ta ndaloj atë nga shkatërrimi, që është duke u orkestruar në çdo mënyrë kundër racës njerëzore.
Uleni mburojën tuaj, sepse ajo do të bëhet copë e thërrime prej Dorës së Atit Tim të Përjetshëm. Kundërshtojeni Hyjin dhe ju do të vuani për këtë. Por kur ju përpiqeni ta lëndoni njerëzimin në shkallë të madhe përmes abuzimit të pushtetit, ju do të ndaloheni papritur. Ju nuk do të keni aspak kohë të kërkoni Mëshirën e Hyjit.